Anghenion defnyddiwr y gwasanaeth
Er mwyn gwneud gwell defnydd o adnoddau, mae angen i ddefnyddwyr y gwasanaeth fod yn ganolbwynt yr asesiad a'r gwasanaeth offer cymunedol. Mae yna hanes o ddosrannu offer nad yw'n cael eu defnyddio'n aml, ac sydd felly'n methu â mynd i'r afael ag anghenion defnyddwyr y gwasanaeth, ond sydd hefyd yn wastraffus dros ben o adnoddau. Mae gofyn i ddefnyddwyr y gwasanaeth a'u cynrychiolwyr gymryd rhan nid yn unig yn y cam asesu a'r cam adolygu offer ond hefyd yn y gwaith o ddatblygu'r gwasanaeth. Mae arnom angen sicrhau ein bod yn gwybod beth sy'n gweithio'n dda i ddefnyddiwr y gwasanaeth, a beth sydd ddim yn gweithio mor dda, yn unol â'r egwyddor o gynllunio sy'n canolbwyntio ar yr unigolyn. Mae arnom angen cydweithrediad hefyd gan ddefnyddwyr y gwasanaeth a'u gofalwyr a'u teuluoedd, er mwyn sicrhau bod offer yn cael eu dychwelyd pan nad oes angen amdanynt mwyach.
Budd-ddeiliaid eraill
Bydd datblygu gwasanaethau offer cymunedol effeithiol yn gofyn mewnbwn o ran cyngor ac adborth gan staff allweddol hefyd. Mae hyn yn golygu nid yn unig y bobl sy'n ymwneud â rhagnodi (therapyddion galwedigaethol, ffisiotherapyddion, nyrsys etc) ond hefyd staff sy'n defnyddio offer i gynorthwyo defnyddiwr y gwasanaeth yn uniongyrchol. Mae hyn yn cynnwys staff gofal cartref nyrsys, staff gofal, etc. Bydd yn bwysig sicrhau bod gan wasanaethau drefniadau sefydlog er gyfer sicrhau adborth gan staff allweddol
|
