Hyfforddiant a Llwybrau Gyrfa Gweithwyr Cefnogi Iechyd a Gofal Cymdeithasol

Mae datblygu llwybrau gyrfa wedi eu strwythuro ar gyfer gweithwyr cefnogi yn un o amcanion y prosiect hwn.

Fe fydd rôl y Gweithiwr Cefnogi Iechyd a Gofal Cymdeithasol yn gofyn am i weithwyr cefnogi gyflawni cymhwysedd yn y meysydd sy’n fwyaf perthnasol i’w maes gwaith arbennig hwy drwy Fframwaith NVQ lefel 3. Hefyd bydd y gweithiwr Iechyd a Gofal Cymdeithasol angen cwblhau cymhwyster llawn mewn gwaith Iechyd a Gofal Cymdeithasol ar lefel 3 (er enghraifft, Tystysgrif Dechnegol). Mae hi'n debygol, yn dibynnu ar ble bydd y gweithiwr Iechyd a Gofal Cymdeithasol yn gweithio, y bydd angen datblygu mwy o becynnau cynnal dysgu i sicrhau bod y sgiliau sydd eu hangen i gefnogi gwahanol grwpiau client yn cael eu datblygu hyd safon uchel.

Gobeithir y bydd datblygu hyfforddiant Gweithiwr Cefnogi Iechyd a Gofal Cymdeithasol yn ategu datblygiadau rôl gweithwyr cefnogi lleol eraill sy’n cael eu cynllunio ar hyn o bryd.  Mewn meysydd eraill cafodd y math yma o swyddogaethau eu galw’n Ymarferwyr Cynorthwyol Iechyd a Gofal Cymdeithasol.  Bydd mwy o wybodaeth ar gael yn lleol yn y man.

Felly, yn y dyfodol agos, gobeithir mai’r dilyniant yng ngyrfa’r gweithwyr cefnogi fydd:

Gweithiwr Cefnogi (NVQ lefel 2)

Gweithwyr Cefnogi Iechyd a Gofal Cymdeithasol (NVQ lefel 3)

Ymarferwyr Cynorthwyol Iechyd a Gofal Cymdeithasol (band 4 datblygiad Agenda Ar Gyfer Newid yn cael ei drafod yn lleol ar hyn o bryd)

Mynediad proffesiynol Iechyd a Gofal Cymdeithasol (e.e. Hyfforddiant Gweithiwr Cymdeithasol neu Nyrs)