Sut y Gallaf  Ddod o Hyd i Weithiwr Cefnogi Iechyd a Gofal Cymdeithasol?

Y sefyllfa bresennol: Datblygiad Gwasanaeth Ymateb Critigol Gofal Canolraddol

Mae Gwasanaeth Ymateb Critigol yn cael ei ddatblygu fel rhan o’r Gofal Canolraddol.  Bydd y gwasanaeth hwn yn darparu ymateb sydyn i bobl h?n sy’n wael.  Os penderfynir y bydd y person yn gwella’n gynt o dderbyn gofal gartref fe wnaiff y Gwasanaeth Ymateb Critigol yn si?r y bydd y person yn derbyn y gofal cywir gan y Nyrsus Ardal, Therapyddion Galwedigaethol, Gweithwyr Cymdeithasol a Gweithwyr Cefnogi Gofal Cymdeithasol.

Caiff Gweithwyr Cefnogi Iechyd a Gofal Cymdeithasol eu cyflogi fel rhan o’r Tîm Gwasanaeth Ymateb Critigol i gefnogi pobl sydd ag anghenion cefnogi iechyd a gofal cymdeithasol.

Ar hyn o bryd y Gwasanaeth Ymateb Critigol Gofal Canolraddol yw’r unig le y bydd Gweithwyr Cefnogi Iechyd a Gofal Cymdeithasol yn gweithio yn Sir Ddinbych.  I ddarganfod sut i gysylltu â’r gwasanaeth gofal critigol cliciwch yma.

Y Dyfodol

Fodd bynnag, yn y dyfodol gweddol agos gobeithiwn y bydd y Gweithwyr Cefnogi Iechyd a Gofal Cymdeithasol yn rhan o wasanaethau eraill, er enghraifft:

• Ar hyn o bryd mae’r gwasanaeth nyrsio ardal yng Nghonwy a Sir Ddinbych yn archwilio’r posibilrwydd o ddatblygu’r rôl yma fel rhan o’u proses foderneiddio.
• Mae Cartrefi Gofal Ychwanegol wedi nodi’r angen am Weithwyr Cefnogi Iechyd a Gofal Cymdeithasol
• Mae gwasanaethau gofal lliniarol wedi nodi’r angen am Weithwyr Cefnogi Iechyd a Gofal Cymdeithasol i gydweithio’n agos gyda phobl broffesiynol i gefnogi pobl sy’n dymuno marw yn eu cartrefi eu hunain
• Mae gwasanaethau Anabledd Dysgu â diddordeb mewn cyflogi Gweithwyr Cefnogi Iechyd a Gofal Cymdeithasol
• Mae prosiect peilot arall yng Ngogledd Cymru lle mae Gweithwyr Cefnogi Iechyd a Gofal Cymdeithasol wedi eu hyfforddi a’u cyflogi i gefnogi pobl gydag anabledd corfforol

Bydd y tîm prosiect yn edrych ar sut y gallwn ni gefnogi datblygiad model y Gweithiwr Cefnogi Iechyd a Gofal Cymdeithasol yn y gwasanaethau eraill hyn.

Maes pwysig i’r sefydliadau sydd ynghlwm â’r prosiect hwn ei ystyried fydd ariannu rôl y Gweithiwr Cefnogi Iechyd a Gofal Cymdeithasol.  Ar hyn o bryd, caiff pobl sydd wedi eu hasesu i fod angen cefnogaeth gyda gofal personol yn cael eu hasesu ymhellach i benderfynu os bydd yn rhaid iddynt wneud cyfraniad tuag at y gofal.  Yr eithriadau yw:

1. pobl sydd wedi eu hasesu i fod ag anghenion Gofal Iechyd Parhaus (mae hyn yn cynnwys pobl sy'n derfynol sâl a rhai pobl sydd â phroblemau iechyd hir dymor)
2. a phobl sydd angen cefnogaeth tymor byr gyda gofal personol oherwydd eu bod yn wael (er enghraifft pobl sy’n gymwys i dderbyn Gofal Canolraddol - fel rheol am gyfnod o hyd at 6 wythnos).  Yn yr achosion hyn ni fydd pobl sydd wedi eu hasesu i fod angen gofal personol oherwydd eu bod yn wael yn cyfrannu’n ariannol o gwbl i’r gofal hwn.

I bobl sydd wedi eu hasesu (fel rheol gan bobl broffesiynol ym maes iechyd) i fod angen cefnogaeth gofal iechyd (anghenion sy’n gysylltiedig â salwch rhywun ond nad oes angen eu gweithredu gan berson proffesiynol cymwysedig), caiff y gofal hwn ei ddarparu am ddim.
Bydd Gweithwyr Cefnogi Iechyd a Gofal Cymdeithasol yn cefnogi pobl sydd wedi eu hasesu i fod angen cefnogaeth gydag iechyd a gofal cymdeithasol.  Fel bod gwasanaethau eraill yn gallu cyflogi Gweithwyr Cefnogi Iechyd a Gofal Cymdeithasol bydd gofyn i sefydliadau partneriaeth gydweithio i sicrhau fod pawb yn derbyn y gefnogaeth sydd ei angen i fyw mor annibynnol ag sydd bosib, a bod y cyfraniadau ariannol gan unigolion am eu gofal yn deg ac yn gyfartal.