Cynllun Y Prosiect: Datblygu’r Gweithiwr Cefnogi Iechyd a Gofal Cymdeithasol (Generig)

Swyddogaeth

Y Prif Dasgau

Rydym wedi nod 4 prif dasg fel y rhai pwysicaf i ddatblygu rôl y Gweithiwr Cefnogi Iechyd a Gofal Cymdeithasol:

1. Penderfynu’r hyn a wneir gan y Gweithwyr Cefnogi Iechyd a Gofal Cymdeithasol

2. Datblygu rhaglen hyfforddiant gydnabyddedig i Weithwyr Cefnogi Iechyd a Gofal Cymdeithasol fel y gallant gyflawni eu rôl i safon uchel iawn.

3. Cyflogi gr?p bychan o Weithwyr Cefnogi Iechyd a Gofal Cymdeithasol i sicrhau fod y gofal a ddarperir o safon uchel iawn a bod y gofal hwn yn cyfrannu tuag at well iechyd a lles a lefelau uwch o annibyniaeth i’r defnyddwyr gwasanaeth.  Caiff hyn ei alw’n brosiect peilot.

4. Ymestyn model y Gweithiwr Cefnogi Iechyd a Gofal Cymdeithasol yn ehangach i wasanaethau eraill, er enghraifft Cartrefi Gofal Ychwanegol, gwasanaethau anabledd corfforol, pobl hefo problemau iechyd hir dymor a gofal lliniarol

Yr hyn a gyflawnwyd hyd yma

Cychwyn cyntaf y prosiect hwn oedd ym mis Rhagfyr 2005 pan gyflwynodd Tîm Iechyd Gofal Cymdeithasol a Lles gynnig am y prosiect i Gronfa Grant Gweithio ar y Cyd Llywodraeth Cynulliad Cymru.

Yn dilyn cais llwyddiannus mae Rheolwr Prosiect wedi'i recriwtio i ddechrau gweithio ym mis Hydref 2006.

Dyma’r gwaith sydd wedi digwydd hyd yma:

1. Fe ffurfiwyd Tîm Prosiect gyda gweithwyr o Ymddiriedolaeth NHS Gogledd Cymru, ac o’r sector breifat a’r sector wirfoddol.  traws lwythwch strwythur prosiect

2. Datblygwyd grwpiau gweithgor o’r tîm prosiect ac maent i gyd yn gweithio i gynllun gweithredu manwl yn cwmpasu rhan benodol o’r prosiect.

3. Gwnaethpwyd gwaith ymchwil cefndirol, gyda diddordeb arbennig mewn prosiectau tebyg.

4. Cynhaliwyd diwrnod/lansiad gwybodaeth.

5. Fe recriwtiwyd chwe gweithiwr cefnogi oedd ag NVQ lefel 2 neu 3 yn barod ar gyfle dysgu 11 wythnos oedd yn cynnwys lleoliadau dysgu drwy brofiad a dyddiau hyfforddi.  Rydym wedi gwerthuso’r cyfle dysgu, wedi ysgrifennu adroddiad werthuso (gellir cael copi os gofynnir) ac wedi gwneud argymhellion am anghenion hyffordio Gweithiwr Cefnogi Generig.

6. Mae rhaglen hyfforddi i grwp cyntaf gweithwyr Iechyd a Gofal Cymdeithasol wedi'i ddatblygu a'i weithredu gan gyd-gordiwr hyfforddiant a gyflogir yn y rôl hon trwy gronfeydd prosiect.

7. Mae'r rôl yn cael ei dreialu hefo'r Gwasanaethau Ymateb Gofal Canolraddol

8. Mae'r 8 gweithiwr cynnal Gofal Cymdeithasol wedi cwblhau eu hyfforddiant  oedd yn cynnwys Tystysgrif Dechnegol mewn Gofal Iechyd a Gofal Cymdeithasol, pecynnau dysgu ychwanegol ac NVQ mewn Iechyd a Gofal Cymdeithasol ar lefel 3.

Yr hyn a wnawn ni’n awr

Rydym yn y broses o werthuso'r gwasanaethau a ddarparwyd gan y grwp cyntaf o weithwyr Iechyd a Gofal Cymdeithasol.

Bydd y tîm prosiect yn rhannu'r dysgu a ddigwyddodd hefo comisiynwyr gwasanaethau a thrafod datblygu'r grwp nesaf o weithwyr cynnal Iechyd a Gofal Cymdeithasol. Mae copi o'r adroddiad interim diweddaraf a anfonwyd at Lywodraeth Cynulliad Cymru ar gael os gofynnir.

Mae'r tîm prosiect yn siarad hefo'r cynghorau Sgiliau Cenedlaethol (Iechyd a Gofal Cymdeithasol / Skills for Health and the Care Council 4 Wales) am ddulliau Cenedlaethol o ddatblygu hyfforddiant i'r rol hon.