Grantiau ar gyfer Cydweithio / Hyblygrwydd Cynyddol

Cefndir

Fe hoffem ni i gyd gael gwasanaethau sy’n ein hamddiffyn ac sy’n gwella ein hiechyd a’n lles.
 
I wneud hyn mae trefniadau wedi eu gwneud i ganiatáu i awdurdodau iechyd ac awdurdodau lleol gydweithio’n agos. 

Gellir gwneud hyn un ai drwy gyfuno gwasanaethau presennol, neu ddatblygu gwasanaethau newydd a gweithio gyda sefydliadau eraill i sicrhau fod yna ymateb effeithiol.

Cyflwynodd Deddf Iechyd 1999 drefniadau (Hyblygrwydd Cynyddol) i wneud cydweithio agosach mewn partneriaeth yn bosibl. 

Mae’r Hyblygrwydd Cynyddol yn caniatáu i sefydliadau ganolbwyntio eu sylw ar anghenion eu cleientiaid gan ddileu rhai o’r pryderon am gyfyngiadau sefydliadol.

Mae Hyblygrwydd Cynyddol yn annog cydweithio rhwng iechyd a llywodraeth leol a hefyd yn caniatáu i bartneriaid ‘Gyfuno Adnoddau’ a throsglwyddo swyddogaethau a chyfrifoldebau drwy ‘Gomisiynu Arweiniol’ a ‘Darpariaeth Integredig’.

Y Grant Cydweithio

Fe ddyluniodd Llywodraeth Cynulliad Cymru’r Grant Cydweithio i ddarparu cefnogaeth i awdurdodau lleol wrth sefydlu partneriaethau gydag iechyd. 

Gellir defnyddio’r Grant Cydweithio 2006-08 i ddatblygu gwasanaethau ar y cyd i grwpiau o gleientiaid yn cynnwys:

• pobl hyn
• plant
• gofalwyr
• pobl gyda phroblemau iechyd meddwl yn cynnwys ymddygiad anhydrin
• pobl gydag anabledd dysgu
• pobl gydag anabledd corfforol/synhwyraidd

Gobeithir y bydd gwelliannau mewn trefniadau gweithredol yn caniatáu ffyrdd newydd o feddwl am y ffordd y darperir gwasanaethau a dylai hyn wella gwasanaethau ar gyfer cleientiaid a gwella iechyd a lles lleol.

Pwy sy’n ymglymedig?

Gellir defnyddio Hyblygrwydd Cynyddol gydag unrhyw wasanaeth sy’n ‘berthynol i iechyd’ y mae’r awdurdod lleol yn ei ddarparu. 

O fewn awdurdod lleol, mae hyn yn golygu  gwasanaethau cymdeithasol fel rheol ond gall partneriaeth hefyd olygu:

• Gwasanaethau Tai
• Addysg
• Trafnidiaeth
• Hamdden, adloniant, a gwasanaethau llyfrgell
• Gwasanaethau cymuned a llawer o wasanaethau llym
• Iechyd amgylcheddol ac yn y blaen

Gall Cyfranogwyr eraill gynnwys:

• Partneriaid GIC
• Partneriaid y Sector Wirfoddol
• Grwpiau cynllunio presennol
• Timau Gweithredu Lleol
• Cynlluniau Gweithredu Wanless Lleol
• Strategaethau Iechyd a Lles
• Grwpiau Cynllunio Cefnogi Pobl
• Cynrychiolwyr o’r sector annibynnol
• Grwpiau defnyddwyr, eu cynrychiolwyr a’u gofalwyr

Defnydd o Grant Ariannu Cydweithio o fewn Sir Ddinbych (2006/08)

Cyfanswm y dyraniad grant am 2006/08 yw £22.1 miliwn dros ddwy flynedd ariannol, ac o’r rheiny mae:

• £4.4 miliwn i gefnogi aelodaeth awdurdod lleol o’r Byrddau Iechyd Lleol, yn cynnwys datblygu Strategaethau Iechyd, Gofal Cymdeithasol a Lles. 

Mae hwn wedi ei ddosbarthu’n gyfartal dros y 22 awdurdod yng Nghymru (£100,000 yr un):

• Mae £17.7 miliwn i gefnogi cymryd systemau hyblygrwydd.

Gwnaeth Sir Ddinbych gynnig llwyddiannus am grant o £399,161 yn 2006/07 a £399,161 yn 2007/08.  Mae ariannu’n cael ei ddefnyddio ar draws ystod eang o wasanaethau, ac ystod o grwpiau cleientiaid, sy’n cyfarfod â blaenoriaethau lleol.  O fewn Sir Ddinbych mae hyn yn cynnwys:

• Gofal Canolraddol
• Cofrestr Plant ag Anabledd (Barnardos)
• Teleofal mewn Partneriaeth
• Integreiddiad Gwasanaeth Cyfarpar Cymunedol (IGCC)
• Gweithiwr Prosiect Anabledd (Plant ac Oedolion)
• Partneriaeth Meddyg Cynorthwyol Iechyd a Gofal Cymdeithasol
• Gwasanaethau Therapi Lleferydd ac Iaith (GThLlI)
• DEMIST

Mae’n bosib y bydd pob prosiect a gefnogir yn dod yn rhan o’r gwasanaethau dyddiol a ddarperir gan y sefydliadau partneriaeth.