Cydweithio Rhanbarthol

Mae yna nifer o sefydliadau/asiantaethau y mae gofyn iddyn nhw gydweithio o fewn ardaloedd awdurdodau lleol i sicrhau fod gwasanaethau Teleofal effeithiol yn cael eu datblygu, yn cynnwys: Gwasanaethau Cymdeithasol, Tai, Cefnogi Pobl, Landlordiaid Cymdeithasol Cofrestredig, Bwrdd Iechyd Lleol, Ymddiriedolaeth GIG, Gwasanaeth Ambiwlans, Gwasanaeth Tân, gwasanaeth Meddyg Teulu y Tu Allan i Oriau, grwpiau defnyddwyr gwasanaeth a’r sector Wirfoddol.

Mae yna fanteisio hefyd mewn ystyried sut y mae cydweithio ar draws yr awdurdod yn gallu adeiladu ar fentrau lleol, a chyfrannu at wasanaethau teleofal gwell a defnydd effeithlon o adnoddau.  Yng Ngogledd Cymru mae’r chwe awdurdod lleol yn archwilio’r manteision potensial drwy brosiect rhanbarthol.


Y prif fannau lle mae cydweithio rhanbarthol yn debygol o fod o fantais yw:

• Safonau cyffredin ar gyfer gwasanaethau teleofal e.e. cyfeiriad, asesiad, cyfarpar, gwasanaethau  monitro ac ymateb a chodi tâl. Byddai safon gwasanaeth cyffredinol ar draws Gogledd Cymru yn osgoi’r ‘loteri cod post’ ac yn darparu llwybr cyffredin lle mae ysbytai’n gweithredu i fwy nag un awdurdod lleol.  Byddai hyn hefyd yn osgoi’r angen i bob ardal orfod datblygu ei systemau a phrotocol ei hun.
  
  
• Gwasanaethau ymateb wedi eu rhannu - Mae yna botensial i ddatblygu gwasanaeth wedi ei rannu neu wasanaeth cilyddol rhwng ardaloedd yr awdurdod lle bo amseroedd teithio’n golygu fod gwasanaeth ymateb cymdogol yn gallu ymateb ynghynt.
  
  
• Caffael cyfarpar, gwasanaethau gosod a chynnal cyfarpar. Fe brynir y rhan fwyaf o gyfarpar drwy fframwaith PASA, fydd efallai’n galluogi cyrchiad i ddisgownt seiliedig ar nifer os ymgymerir â chaffael ar y cyd. Mae yna hefyd gyfarpar nad ydynt ar gael dan fframwaith PASA, y gellid eu prynu drwy ddefnyddio consortiwm i ennill disgownt.
  
  
• Hyfforddiant a chodi ymwybyddiaeth – gellir cyflawni arbedion cost ac ymdriniaeth gyson i asesu a darnodi teleofal.  Mae yna hefyd botensial ar gyfer tai arddangos/cyfleusterau wedi eu rhannu.