Beth mae hyn yn ei olygu?

Gan amgylchedd, rydym yn golygu ein hamgylchfyd naturiol a ffisegol: cyfuniad y môr a'r mynyddoedd, y pridd, dŵr ac aer, ynghyd â'n tirwedd adeiledig sy'n cynnwys ein tai, mannau gwaith, ysgolion a cholegau, datblygiadau adwerthu a masnachol, addoldai, llyfrgelloedd, ynghyd â'n ffyrdd a'n systemau cludiant. Mae hefyd yn golygu ein hamgylchfyd diwylliannol gan gefnogi'r iaith Gymraeg ac amddiffyn a gwella ein tirwedd a'n treftadaeth. At hyn, mae'n golygu bod eisiau teimlo’n ddiogel yn ein hamgylchfyd, a pheidio ag ofni trosedd. Mae ein hamgylchfyd - mannau trefol, diwylliannol a gwledig - yn bwysig oherwydd medrent oll gael effaith fawr ar ein hiechyd a'n lles. 

	Sut mae hyn yn cyd-fynd â'r hyn rydym yn ei wybod?
	Mae problemau byd-eang yn golygu goblygiadau lleol. Gan fod ein gweithgareddau yn medru niweidio ein hamgylchedd, mae angen i ni gymryd camau i amddiffyn ein hunain a chenedlaethau'r dyfodol trwy fyw a gweithio'n gynaliadwy
	Cydnabyddir bod niwed amgylcheddol gan lygredd aer, dŵr a phridd yn cynrychioli problemau i iechyd pobl
	Mae oerni a gwres eithafol yn medru niweidio'n iechyd yn ddifrifol. Mae ymbelydriad solar yn brif achos canser y croen ac yn ystod misoedd y gaeaf, mae pobl hawdd eu niweidio mewn mwy o berygl o gael hypothermia, ffliw, neu faglu a chwympo
	Mae gwastraff tŷ, masnachol, adloniant a diwydiannol yn ffynonellau cyffredinol o wastraff cymunedol. Mae'r dasg o waredu gwastraff yn bwysig a chostus, yn enwedig mewn ardaloedd lle mae llawer o weithgareddau twristiaid ac atyniadau naturiol. Mae gwastraff amhriodol yn difetha Sir Ddinbych
	Mae llawer o bobl hŷn yn berchenogion-ddeiliaid sy'n byw mewn eiddo hŷn, sy'n debygol o fod angen eu hatgyweirio
	Mae tai gwael yn niweidio ein hiechyd. At hyn, mae straen byw mewn tŷ dros dro yn effeithio iechyd pobl, gyda chyfraddau uchel damweiniau i blant
	Mae effeithiau posibl niweidio iechyd a hyrwyddo iechyd yn niferus. Er enghraifft, gall lleoliad siopau sy'n gwerthu ffrwyth a llysiau fforddiadwy effeithio gallu pobl i fwyta diet iach
	Mae anawsterau cludiant yn rhwystr mawr i ystod o wasanaethau gofal a gwasanaethau cyhoeddus eraill, cyflogaeth a diet iach. Fodd bynnag, mae cerbydau'n achosi llygredd sŵn ac aer, damweiniau ffordd a gall rwystro pobl rhag beicio a cherdded

	Beth rydym wedi ei wneud hyd yma?
Y canlynol:
	Wedi cefnogi buddsoddiad gan y sector preifat yn Fferm Wynt Alltraeth North Hoyle sy'n creu digon o ynni adnewyddadwy i gyflenwi rhyw 40,000 o dai gyda thrydan
	Wedi gweithio gydag Asiantaeth yr Amgylchedd Cymru, gan gychwyn paratoi Cynllun Datblygu Lleol a mabwysiadu fframwaith rhagofalol i dywys penderfyniadau cynllunio i ffwrdd o ardaloedd y tybir iddynt fod mewn perygl o lifogydd afon, llanw a draeniau dŵr arwyneb
	Wedi sicrhau cyllid Cronfa Dreftadaeth y Loteri fel rhan o Gynllun Partneriaeth Tirwedd Grug a Bryngaerau i wella asedion amgylcheddol pwysig
	Wedi derbyn gwobr ar gyfer fflyd gerbydau werdd y Cyngor Sir sy'n defnyddio tanwydd wedi ei wneud o olew llysiau wedi ei ailgylchu o fwytai, ysgolion a gwestai
	Wedi datblygu cynllun peilot Bws Nos, sydd wedi derbyn gwobr, sy'n darparu gwasanaeth cludiant dibynadwy, rhad gyda'r nos i bobl hŷn, a redir gan wirfoddolwyr
	Wedi derbyn cyllid gan Lywodraeth Cynulliad Cymru ar gyfer cynllun peilot cludiant sy'n cynnig teithio am hanner pris i bobl ifanc 16-18 oed
	Mae cyfraddau ailgylchu Sir Ddinbych wedi dyblu dros y 3 blynedd diwethaf o 13% i 26%
	Wedi cynorthwyo 125 o ymgeiswyr Sir Ddinbych i ymgymryd â gwelliannau i'w tai trwy'r Cynllun Houseproud sy'n cynnig benthyciadau a chymorth wrth drefnu atgyweiriadau ar gyfer perchnogion tai 60+ a phobl anabl
	Wedi hybu strategaeth cynhesrwydd cynaliadwy ar gyfer Sir Ddinbych sy'n adnabod ac yn gwella cartrefi 'tlodi tanwydd'
	Wedi ymgymryd â phrofion a dadansoddi cyflenwadau dŵr preifat a chyhoeddus i sicrhau bod digon ohono a'i fod yn iach
	Wedi helpu hwyluso gostyngiad 11% mewn allyriant CO2 yn y sector tai preifat
	Wedi gwella ffabrig allanol mwy na 120 o dai yn y ddwy Ardal Adnewyddu yn Ne-orllewin/Dwyrain y Rhyl ac yn Ninbych

	Beth rydym yn mynd i'w wneud yn y tair blynedd nesaf?
	Cefnogi gweithrediad y Cynllun Datblygu Lleol (CDLl)
	Negodi cyfleoedd tai fforddiadwy lle'n briodol, gan gynnwys llety arbenigol ar gyfer pobl anabl, tai gofal ychwanegol ac archwilio anghenion sipsiwn a theithwyr
	Ceisio sicrhau bod mynediad digonol i well mannau cyhoeddus a mannau chwarae i blant
	Cynyddu amrywiaeth cyngor tai ac opsiynau tai i bobl ifanc a gwella gwerthfawrogiad ac ymwybyddiaeth pobl ifanc o'u hamgylchfyd
	Darparu cefnogaeth dai arbenigol i'r sawl sy'n camddefnyddio sylweddau
	Darparu model o dai a gofal sy'n galluogi i bobl hŷn fyw mor annibynnol ag y bo modd, cyhyd ag y bo modd, tra'n teimlo'n ddiogel ac yn cael eu cefnogi
	Gwella cyflwr tai yn y sectorau cymdeithasol a phreifat
	Parhau i adeiladu ar lwyddiant project 'Dim Galw Diwahoddiad' a ariennir gan y Strategaeth Pobl Hŷn
	Addysgu ac annog deiliaid tai domestig i fod yn fwy ynni effeithiol yn eu cartref
	Darparu agwedd gytbwys o ran addysg, monitro a rheoleiddio eiddo cysylltiedig â bwyd

	Sut all hyn eich effeithio chi?
	Datblygu Panel Tai Pobl Ifanc i ystyried anghenion llety ac anghenion ehangach y rhai sy'n gadael gofal
	Lleihad mewn pobl yn galw o ddrws i ddrws yn gwerthu cynnyrch i bobl hawdd eu niweidio
	Datblygu Tai Cefnogaeth Gofal Ychwanegol - 59 uned yn y Rhyl, 61 uned ym Mhrestatyn, 24 uned yn Rhuthun
	Cyflogi Warden Amgylcheddol i ymateb yn gyflym i achosion o niwed troseddol a darparu 200 o ddigwyddiadau glanhau cymunedol bob blwyddyn
	Sicrhau bod holl ffenestri, drysau, systemau gwresogi a stafelloedd ymolchi yn eiddo'r Cyngor yn cyrraedd y safonau angenrheidiol
	Mynediad haws i gefn gwlad yn arbennig ar gyfer pobl anabl neu rai gydag anawsterau symudedd

Sut fyddai hyn o fantais i deulu Ceri?

Cysylltiadau Defnyddiol

	Cynlluniau Ceir Cymunedol
	I bobl sy’n byw mewn ardaloedd gwledig sydd heb lawer o gludiant cyhoeddus neu sy’n ei chael yn anodd ei defnyddio
	Ffôn:	01824 706858

	Gwasanaethau Cefn Gwlad
	Cynnig cyngor, gwybodaeth a chefnogaeth ymarferol ynglyn â chefn gwlad Sir Ddinbych
	Ffôn:	01352 810614
	E-bost:	countryside@denbighshire.gov.uk
	Gwefan:	http://www.denbighshire.gov.uk

	Cynllun Bws Lleol am Ddim Cyngor Sir Ddinbych
	Trwyddedau bws am ddim i bobl hyn a phobl ag anableddau sy’n breswylwyr parhaol yn Sir Ddinbych
	Ffôn:	01824 716886

	Cynllun Bws Nos Sir Ddinbych
	Yn darparu pobl hyn gyda chludiant gyda’r nos sy’n ddibynadwy, yn rhad ac yn cael ei redeg gan wirfoddolwyr
	Ffôn:	0845 603 6030

	Rheolaeth Datblygu a Chydymffurfiad
	Rheoleiddio deddfwriaeth a gweithredu gorfodaeth pan fydd angen i ddiogelu’r amgylchedd ac unigolion
	Ffôn:	01824 706727
	E-bost:	planning@denbighshire.gov.uk
	Gwefan:	http://www.denbighshire.gov.uk

	Deialu Reid
	I bobl sy’n ei chael yn anodd oherwydd anabledd i ddefnyddio’r gwasanaeth bws
	Ffôn:	01745 344222

	Canolfan Gynghori Gogledd Cymru ar Effeithlonrwydd Ynni
	Elusen gofrestredig annibynnol i helpu i ddefnyddio ynni’n fwy effeithlon yn ein cartrefi
	Ffôn:	0800 954 0658
	E-bost:	advice@nweeac.org.uk
	Gwefan:	http://www.nweeac.org.uk

	Asiantaeth yr Amgylchedd Cymru
	Corff a noddir gan Lywodraeth y Cynulliad sy’n ystyried atebion arloesol sydd wedi eu teilwra i gyfarfod ag anghenion Cymru
	Ffôn:	08708 506 506
	E-bost:	enquiries@environment-agency.gov.uk
	Gwefan:	http://www.environment-agency.gov.uk

	Cynllun Houseproud
	Yn cynnig benthyciadau a chymorth i ymgeiswyr 60+ oed ac anabl i wneud gwelliannau i’w tai
	Ffôn:	0800 783 7569