Sut mae hyn yn cyd-fynd â'r hyn rydym yn ei wybod?

Sut all hyn eich effeithio chi

Mae proffil demograffig newidiol Sir Ddinbych yn dangos, ynghyd â chyfradd enedigaethau sy'n raddol ostwng, bod pobl yn byw yn hirach a bod nifer cynyddol o bobl hŷn, gan gynnwys cynnydd yn y nifer o bobl hŷn bregus

Yn Sir Ddinbych mae cyfran uwch o fabanod gyda phwysau isel adeg eu geni nag ar draws Cymru gyfan. Mae'r babanod hyn yn wynebu mwy o risg o ddatblygu problemau yn ystod ac ar ôl eu geni, ynghyd â bod â mwy o risg o ddioddef afiechydon cronig wrth iddynt ddod yn oedolion

Bydd cynnydd yn y gyfran o bobl hŷn yn cael effaith arwyddocaol ar iechyd ein poblogaeth gyda lefelau cynyddol o salwch hirdymor a chronig. Mae dros hanner y bobl 60 oed a throsodd yn adrodd bod ganddynt salwch hirdymor cyfyngol, o gymharu â llai nag 20% ym mhob categori oedran arall

Bydd cynnydd yn y boblogaeth Gofalwyr wrth i nifer cynyddol o bobl fabwysiadu rôl ofalu

Mae pobl gyda chyflwr tebyg (megis pobl gydag afiechyd y galon) a phobl sy'n wynebu amgylchiadau tebyg (megis rhai sy'n ffoi rhag camdriniaeth ddomestig) angen atebion unigol

Mae nifer o gyflyrau sy'n cael eu cuddio gan label sengl e.e. efallai bod gan rywun gyda phroblem iechyd meddwl broblemau camddefnyddio alcohol a sylweddau hefyd

Mae nifer cynyddol o ofalwyr sy'n heneiddio, yn gofalu am oedolion gydag anabledd dysgu

Galluogi gwell mynediad i therapi iaith a lleferydd i blant ysgol - ariennir i ddechrau gan y Grant Cydweithio

Hybu cynllun hunangyfeirio ar-lein i oedolion a gofalwyr sydd angen cymorth, sy'n cael ei oruchwylio gan y Tîm Cyswllt Cyntaf

Penodi Cyd-reolwr Comisiynu ar gyfer y Gwasanaethau Iechyd Meddwl

Hwyluso astudiaeth ymchwil ar anghenion iechyd a gofal cymdeithasol trigolion Cartrefi Gofal yn Sir Ddinbych

Darparu Taliadau Uniongyrchol i 32 o bobl

Darparu cyllid o £700,000 i 33 o fudiadau sector gwirfoddol trwy gyfrwng Cynllun Grantiau Sector Gwirfoddol Gwasanaethau Cymdeithasol

Creu projectau peilot Teleofal/Teleiechyd , gan gynnwys un sy'n targedu cartrefi yn cynnig gofal 24 awr i bobl gyda phroblemau iechyd meddwl a Thŷ Camu i Lawr gyda thechnoleg gynorthwyol a fydd yn cynorthwyo pobl i ddychwelyd i'w cartrefi eu hunain

Datblygu ymhellach y project Dolen Allwedd sy'n cynnig cefnogaeth lefel isel ond hirdymor i oedolion hawdd eu niweidio

Sicrhau cyllid Llywodraeth Cynulliad Cymru o £250,000 ar gyfer y Project Doorstop sy'n ceisio rhoi cychwyn newydd mewn bywyd i bobl sydd â phroblemau yn deillio o gamddefnyddio sylweddau

Sicrhau cyllid Grant Tai Cymdeithasol o £4 miliwn ar gyfer Cynllun Tai Gofal Ychwanegol yn y Rhyl (30 uned dwy lofft a 29 uned 1 llofft), i'w gwblhau erbyn  Medi 2008. At hyn rydym wedi sicrhau Cyllid Gofal Ychwanegol i ddatblygu cynlluniau yn Rhuthun a Phrestatyn

Ers Ebrill 2005 mae'r Cyngor wedi cwblhau mwy na 700 o Grantiau Gwella ar dai sector preifat: roedd 320 o'r rhain yn  addasu cartrefi pobl anabl trwy gyfrwng grantiau cyfleusterau i bobl anabl am gost o fwy na £5.2 miliwn

Gweithredu'r Strategaethau Rheoli Cyflyrau Cronig a Gofal Canolraddol a darparu gofal yn nes at gartrefi cleifion

Datblygu a gweithredu Strategaeth Gomisiynu Namau Corfforol a Synhwyrol

Gweithredu Strategaeth Comisiynu Anabledd Dysgu

Cynyddu, flwyddyn ar ol blwyddyn, nifer sy'n defnyddio taliadau uniongyrchol a datblygu cynllun peilot i gynnig cyllidebau unigol (cefnogaeth hunangyfeiriol)

Gweithio tuag at weithredu'r Strategaeth genedlaethol ar gyfer Cyflyrau Cyhyrau-Ysgerbwd sy'n cynnwys crydcymalau gwynegol a chyflyrau tebyg eraill

Sicrhau bod pobl hŷn a gofalwyr yn cael mwy o ddewis a rheolaeth dros sut diwallir eu hanghenion gofal cymdeithasol ac iechyd a'u bod yn medru cymryd penderfyniadau mewn perthynas â'u hannibyniaeth a'u lles

Gweithredu'r Strategaeth Pobl Hŷn

Trwy gyfrwng cymorth grant, byddwn yn parhau i wella amodau tai i rai sydd angen cymorth gyda thai sector preifat i'w galluogi i barhau i fyw yn eu cartrefi eu hunain mewn amgylchfyd cynnes, diogel, sicr a rhydd rhag lleithder

Cynnydd yn y nifer o oedolion hawdd eu niweidio a phobl hŷn sy'n cael eu cefnogi i fod mor annibynnol ag y bo modd yn eu cartrefi eu hunain

Sefydlu project arall Dolen Allwedd i oedolion hawdd eu niweidio ym Mhrestatyn a phroject mwy yn Ninbych i gynnwys pobl gydag anabledd dysgu ag anghenion mwy cymhleth

Mwy o bobl hŷn gyda nam ar eu clyw yn cael eu cynorthwyo i ddysgu darllen gwefusau a sgiliau cyfathrebu eraill

Cynnydd yn y nifer o Ofalwyr a adnabuwyd, ac sy'n derbyn gwybodaeth a chefnogaeth gan staff iechyd proffesiynol

Y Cynllun Tasgmon ar gael i fwy o bobl hŷn